BengaliChinese (Traditional)EnglishFrenchGermanGujaratiHindiJapaneseKannadaMarathiRussianTamilTelugu
Home » Archive for "Strotam" (Page 5)

Shiv Tandav Stotra

Shiv Tandav Stotra in Hindi

||शिवताण्डवस्तोत्रम्||

जटाटवीगलज्जलप्रवाहपावितस्थले
गलेऽवलम्ब्य लम्बितां भुजङ्गतुङ्गमालिकाम् ।
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् ॥१॥

 जटाकटाहसम्भ्रमभ्रमन्निलिम्पनिर्झरी_
विलोलवीचिवल्लरीविराजमानमूर्धनि ।
धगद्धगद्धगज्जलल्ललाटपट्टपावके
किशोरचन्द्रशेखरे रतिः प्रतिक्षणं मम ॥२॥

 धराधरेन्द्रनन्दिनीविलासबन्धुबन्धुर
स्फुरद्दिगन्तसन्ततिप्रमोदमानमानसे ।
कृपाकटाक्षधोरणीनिरुद्धदुर्धरापदि
क्वचिद्दिगम्बरे मनो विनोदमेतु वस्तुनि ॥३॥

 लताभुजङ्गपिङ्गलस्फुरत्फणामणिप्रभा
कदम्बकुङ्कुमद्रवप्रलिप्तदिग्वधूमुखे ।
मदान्धसिन्धुरस्फुरत्त्वगुत्तरीयमेदुरे
मनो विनोदमद्‍भुतं बिभर्तु भूतभर्तरि ॥४॥

 सहस्रलोचनप्रभृत्यशेषलेखशेखर_
प्रसूनधूलिधोरणी बिधूसराङ्घ्रिपीठभूः ।
भुजङ्गराजमालया निबद्धजाटजूटक
श्रियै चिराय जायतां चकोरबन्धुशेखरः ॥५॥

 ललाटचत्वरज्वलद्धनञ्जयस्फुलिङ्गभा_
निपीतपञ्चसायकं नमन्निलिम्पनायकम् ।
सुधामयूखलेखया विराजमानशेखरं
महाकपालिसम्पदेशिरोजटालमस्तु नः ॥६॥

 करालभालपट्टिकाधगद्‍धगद्‍धगज्ज्वलद्_
धनञ्जयाहुतीकृतप्रचण्डपञ्चसायके ।
धराधरेन्द्रनन्दिनीकुचाग्रचित्रपत्रक
प्रकल्पनैकशिल्पिनि त्रिलोचने रतिर्मम ॥७॥

 नवीनमेघमण्डली निरुद्‍धदुर्धरस्फुरत्_
कुहूनिशीथिनीतमः प्रबन्धबद्धकन्धरः ।
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ॥८॥

 प्रफुल्लनीलपङ्कजप्रपञ्चकालिमप्रभा_
वलम्बिकण्ठकन्दलीरुचिप्रबद्धकन्धरम् ।
स्मरच्छिदं पुरच्छिदं भवच्छिदं मखच्छिदं
गजच्छिदान्धकच्छिदं तमन्तकच्छिदं भजे ॥९॥

 अखर्वसर्वमङ्गलाकलाकदम्बमञ्जरी_
रसप्रवाहमाधुरीविजृम्भणामधुव्रतम् ।
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ॥१०॥

 जयत्वदभ्रविभ्रमभ्रमद्‍भुजङ्गमश्वसद्_
विनिर्गमत्क्रमस्फुरत्करालभालहव्यवाट् ।
धिमिद्धिमिद्धिमिध्वनन्मृदङ्गतुङ्गमङ्गल_
ध्वनिक्रमप्रवर्तितप्रचण्डताण्डवः शिवः ॥११॥

 स्पृषद्विचित्रतल्पयोर्भुजङ्गमौक्तिकस्रजोर्_
गरिष्ठरत्नलोष्ठयोः सुहृद्विपक्षपक्षयोः ।
तृणारविन्दचक्षुषोः प्रजामहीमहेन्द्रयोः
समप्रवृत्तिकः कदा सदाशिवं भजाम्यहम् ॥१२॥

 कदा निलिम्पनिर्झरीनिकुञ्जकोटरे वसन्
विमुक्तदुर्मतिः सदा शिरस्थमञ्जलिं वहन् ।
विमुक्तलोललोचनो ललामभाललग्नकः
शिवेति मन्त्रमुच्चरन्कदा सुखी भवाम्यहम् ॥१३॥

 इदम् हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेतिसंततम् ।
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिन्तनम् ॥१४॥

 पूजावसानसमये दशवक्त्रगीतं यः
शम्भुपूजनपरं पठति प्रदोषे ।
तस्य स्थिरां रथगजेन्द्रतुरङ्गयुक्तां
लक्ष्मीं सदैव सुमुखीं प्रददाति शम्भुः ॥१५॥

 इति श्रीरावण - कृतम् शिव - ताण्दव स्तोत्रम् सम्पूर्णम्

Shiva Tandava Stotra in English

Shiva Tandava Stotram

Jatta[a]-attavii-galaj-jala-pravaaha-paavita-sthale
Gale-[a]valambya lambitaam bhujangga-tungga-maalikaam |
Ddamadd-ddamadd-ddamadd-ddaman-ninaadavadd-ddamar-vayam
Cakaara canndda-taannddavam tanotu nah shivah shivam ||1||

Jattaa-kattaaha-sambhrama-bhraman-nilimpa-nirjharii_
Vlola-viici-vallarii-viraajamaana-muurdhani |
Dhagad-dhagad-dhagaj-jvalal-lalaatta-patttta-paavake
Kishora-candra-shekhare ratih pratikssannam mama ||2||

Dharaa-dharendra-nandinii-vilaasa-bandhu-bandhura
Sphurad-diganta-santati-pramodamaana-maanase |
Krpaa-kattaakssa-dhorannii-niruddha-durdhara-[a]apadi
Kvacid-digambare mano vinodametu vastuni ||3||

Lataa-bhujangga-pinggala-sphurat-phannaa-manni-prabhaa
Kadamba-kungkuma-drava-pralipta-digvadhuu-mukhe |
Mada-[a]andha-sindhura-sphurat-tvag-uttariiya-medure
Mano vinodam-adbhutam bibhartu bhuuta-bhartari ||4||

Sahasra-locana-prabhrty-ashessa-lekha-shekhara_
Prasuuna-dhuuli-dhorannii bidhuusara-angghri-piittha-bhuuh |
Bhujangga-raaja-maalayaa nibaddha-jaatta-juuttaka
Shriyai ciraaya jaayataam cakora-bandhu-shekharah ||5||

Lalaatta-catvara-jvalad-dhanan.jaya-sphulingga-bhaa
Nipiita-pan.ca-saayakam naman-nilimpa-naayakam |
Sudhaa-mayuukha-lekhayaa viraajamaana-shekharam
Mahaa-kapaali-sampade-shiro-jattaalam-astu nah ||6||

Karaala-bhaala-pattttikaa-dhagad-dhagad-dhagaj-jvalad_
Dhanan.jaya-[a]ahutii-krta-pracanndda-pan.ca-saayake |
Dharaa-dhare[a-i]ndra-nandinii-kucaagra-citra-patraka
Prakalpanai-[e]ka-shilpini tri-locane ratir-mama ||7||

Naviina-megha-mannddalii niruddha-durdhara-sphurat_
Kuhuu-nishiithinii-tamah prabandha-baddha-kandharah |
Nilimpa-nirjharii-dharas-tanotu krtti-sindhurah
Kalaa-nidhaana-bandhurah shriyam jagad-dhurandharah ||8||

Praphulla-niila-pangkaja-prapan.ca-kaalima-prabhaa_
Valambi-kannttha-kandalii-ruci-prabaddha-kandharam |
Smarac-chidam purac-chidam bhavac-chidam makhac-chidam
Gajac-chida-andhakac-chidam tam-antakac-chidam bhaje ||9||

Akharva-sarva-manggalaa-kalaa-kadamba-man.jarii_
Rasa-pravaaha-maadhurii-vijrmbhannaa-madhu-vratam |
Smara-antakam pura-antakam bhava-antakam makha-antakam
Gaja-antaka-andhaka-antakam tam-antaka-antakam bhaje ||10||

Jayat-vada-bhra-vibhrama-bhramad-bhujanggama-shvasad_
Vinirgamat-krama-sphurat-karaala-bhaala-havya-vaatt |
Dhimid-dhimid-dhimidhvanan-mrdangga-tungga-manggala_
Dhvani-krama-pravartita-pracanndda-taannddavah shivah ||11||

Sprssad-vicitra-talpayor-bhujangga-mauktika-srajor_
Garissttha-ratna-losstthayoh suhrd-vipakssa-pakssayoh |
Trnna-aravinda-cakssussoh prajaa-mahii-mahendrayoh
Sama-pravrttikah kadaa sadaashivam bhajaamy-aham ||12||

Kadaa nilimpa-nirjharii-nikun.ja-kottare vasan
Vimukta-durmatih sadaa shirastham-an.jalim vahan |
Vimukta-lola-locano lalaama-bhaala-lagnakah
Shiveti mantram-uccaran-kadaa sukhii bhavaamy-aham ||13||

Idam hi nityam-evam-uktam-uttamottamam stavam
Patthan-smaran-bruvan-naro vishuddhime[-i]ti-santatam |
Hare gurau subhaktim-aashu yaati na-anyathaa gatim
Vimohanam hi dehinaam su-shangkarasya cintanam ||14||

Puuja-avasaana-samaye dasha-vaktra-giitam yah
Shambhu-puujana-param patthati pradosse |
Tasya sthiraam ratha-gaje[a-i]ndra-turangga-yuktaam
Lakssmiim sadaiva su-mukhiim pradadaati shambhuh ||15||

||Iti shri ravanakritam shivtandanstotram sampurnam||

Shiva Tandava Stotra Images/Wallpaper:-

Shiv Tandav Stotra Shiv Tandav Stotra

*You can use Google Translator to get Shiva Tandava Stotra Tamil/Telgu/Gujrati/Marathi version.

**Click below to Free Download Shiva Tandava Stotra PDF format or Print it.

share medium Shiv Tandav Stotra

Shree Suktam Stotra

Shree Suktam Stotra in Hindi

॥वैभव प्रदाता श्री सूक्त॥

हरिः ॐ हिरण्यवर्णां हरिणीं सुवर्णरजतस्र​जाम् ।

चन्द्रां हिरण्मयीं लक्ष्मीं जातवेदो म आवह ॥१॥

 तां म आवह जातवेदो लक्ष्मीमनपगामिनीम् ।

यस्यां हिरण्यं विन्देयं गामश्वं पुरुषानहम् ॥२॥

 अश्वपूर्वां रथमध्यां हस्तिनादप्रबोधिनीम् ।

श्रियं देवीमुपह्वये श्रीर्मा देवी जुषताम् ॥३॥

 कां सोस्मितां हिरण्यप्राकारामार्द्रां ज्वलन्तीं तृप्तां तर्पयन्तीम् ।

पद्मे स्थितां पद्मवर्णां तामिहोपह्वये श्रियम् ॥४॥

 प्रभासां यशसा लोके देवजुष्टामुदाराम् ।

पद्मिनीमीं शरणमहं प्रपद्येऽलक्ष्मीर्मे नश्यतां त्वां वृणे ॥५॥

 आदित्यवर्णे तपसोऽधिजातो वनस्पतिस्तव वृक्षोऽथ बिल्वः ।

तस्य फलानि तपसानुदन्तु मायान्तरायाश्च बाह्या अलक्ष्मीः ॥६॥

 उपैतु मां देवसखः कीर्तिश्च मणिना सह ।

प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे ॥७॥

 क्षुत्पिपासामलां ज्येष्ठामलक्ष्मीं नाशयाम्यहम् ।

अभूतिमसमृद्धिं च सर्वां निर्णुद गृहात् ॥८॥

 गन्धद्वारां दुराधर्षां नित्यपुष्टां करीषिणीम् ।

ईश्वरींग् सर्वभूतानां तामिहोपह्वये श्रियम् ॥९॥

 मनसः काममाकूतिं वाचः सत्यमशीमहि ।

पशूनां रूपमन्नस्य मयि श्रीः श्रयतां यशः ॥१०॥

 कर्दमेन प्रजाभूता सम्भव कर्दम ।

श्रियं वासय मे कुले मातरं पद्ममालिनीम् ॥११॥

 आपः सृजन्तु स्निग्धानि चिक्लीत वस गृहे ।

नि च देवी मातरं श्रियं वासय कुले ॥१२॥

 आर्द्रां पुष्करिणीं पुष्टिं पिङ्गलां पद्ममालिनीम् ।

चन्द्रां हिरण्मयीं लक्ष्मीं जातवेदो म आवह ॥१३॥

 आर्द्रां यः करिणीं यष्टिं सुवर्णां हेममालिनीम् ।

सूर्यां हिरण्मयीं लक्ष्मीं जातवेदो म आवह ॥१४॥

 तां म आवह जातवेदो लक्ष्मीमनपगामिनीम् ।

यस्यां हिरण्यं प्रभूतं गावो दास्योऽश्वान् विन्देयं पूरुषानहम् ॥१५॥

 यः शुचिः प्रयतो भूत्वा जुहुयादाज्यमन्वहम् ।

सूक्तं पञ्चदशर्चं च श्रीकामः सततं जपेत् ॥१६॥

 पद्मानने पद्म ऊरु पद्माक्षी पद्मासम्भवे ।

त्वं मां भजस्व पद्माक्षी येन सौख्यं लभाम्यहम् ॥१७॥

 अश्वदायि गोदायि धनदायि महाधने ।

धनं मे जुषताम् देवी सर्वकामांश्च देहि मे ॥१८॥

 पुत्रपौत्र धनं धान्यं हस्त्यश्वादिगवे रथम् ।

प्रजानां भवसि माता युष्मन्तं करोतु माम् ॥१९॥

 धनमग्निर्धनं वायुर्धनं सूर्यो धनं वसुः ।
धनमिन्द्रो बृहस्पतिर्वरुणं धनमश्नुते ॥२०॥

 वैनतेय सोमं पिब सोमं पिबतु वृत्रहा ।
सोमं धनस्य सोमिनो मह्यं ददातु सोमिनः ॥२१॥

 न क्रोधो न च मात्सर्य न लोभो नाशुभा मतिः ।
भवन्ति कृतपुण्यानां भक्तानां श्रीसूक्तं जपेत्सदा ॥२२॥

 र्षन्तु ते विभावरि दिवो अभ्रस्य विद्युतः ।
रोहन्तु सर्वबीजान्यव ब्रह्म द्विषो जहि ॥२३॥

 द्मप्रिये पद्मिनि पद्महस्ते पद्मालये पद्मदलायताक्षि ।
विश्वप्रिये विष्णु मनोऽनुकूले त्वत्पादपद्मं मयि सन्निधत्स्व ॥२४॥

 या सा पद्मासनस्था विपुलकटितटी पद्मपत्रायताक्षी ।
गम्भीरा वर्तनाभिः स्तनभर नमिता शुभ्र वस्त्रोत्तरीया ॥२५॥

 लक्ष्मीर्दिव्यैर्गजेन्द्रैर्मणिगणखचितैस्स्नापिता हेमकुम्भैः ।
नित्यं सा पद्महस्ता मम वसतु गृहे सर्वमाङ्गल्ययुक्ता ॥२६॥

 लक्ष्मीं क्षीरसमुद्र राजतनयां श्रीरङ्गधामेश्वरीम् ।
दासीभूतसमस्त देव वनितां लोकैक दीपांकुराम् ॥२७॥

 श्रीमन्मन्दकटाक्षलब्ध विभव ब्रह्मेन्द्रगङ्गाधराम् ।
त्वां त्रैलोक्य कुटुम्बिनीं सरसिजां वन्दे मुकुन्दप्रियाम् ॥२८॥

 सिद्धलक्ष्मीर्मोक्षलक्ष्मीर्जयलक्ष्मीस्सरस्वती ।
श्रीलक्ष्मीर्वरलक्ष्मीश्च प्रसन्ना मम सर्वदा ॥२९॥

 वरांकुशौ पाशमभीतिमुद्रां करैर्वहन्तीं कमलासनस्थाम् ।
बालार्क कोटि प्रतिभां त्रिणेत्रां भजेहमाद्यां जगदीस्वरीं त्वाम् ॥३०॥

 सर्वमङ्गलमाङ्गल्ये शिवे सर्वार्थ साधिके ।
शरण्ये त्र्यम्बके देवि नारायणि नमोऽस्तु ते ॥
नारायणि नमोऽस्तु ते ॥ नारायणि नमोऽस्तु ते ॥३१॥

 सरसिजनिलये सरोजहस्ते धवलतरांशुक गन्धमाल्यशोभे ।
भगवति हरिवल्लभे मनोज्ञे त्रिभुवनभूतिकरि प्रसीद मह्यम् ॥३२॥

 विष्णुपत्नीं क्षमां देवीं माधवीं माधवप्रियाम् ।
विष्णोः प्रियसखीं देवीं नमाम्यच्युतवल्लभाम् ॥३३॥

 महालक्ष्मी च विद्महे विष्णुपत्नी च धीमहि ।
तन्नो लक्ष्मीः प्रचोदयात् ॥३४॥

 श्रीवर्चस्यमायुष्यमारोग्यमाविधात् पवमानं महियते ।
धनं धान्यं पशुं बहुपुत्रलाभं शतसंवत्सरं दीर्घमायुः ॥३५॥

 ऋणरोगादिदारिद्र्यपापक्षुदपमृत्यवः ।
भयशोकमनस्तापा नश्यन्तु मम सर्वदा ॥३६॥

 य एवं वेद ।
ॐ महादेव्यै च विद्महे विष्णुपत्नी च धीमहि ।
तन्नो लक्ष्मीः प्रचोदयात्
ॐ शान्तिः शान्तिः शान्तिः ॥३७॥

Shree Suktam Stotra in English

Hari om hirannya-varnnaam harinniim suvarnna-rajata-srajaam |
Candraam hirannmayiim lakssmiim jaatavedo ma aavaha ||1||

 Taam ma aavaha jaatavedo lakssmiim-anapagaaminiim |
Yasyaam hirannyam vindeyam gaam-ashvam purussaan-aham ||2||

 Ashva-puurvaam ratha-madhyaam hastinaada-prabodhiniim |
Shriyam deviim-upahvaye shriirmaa devii jussataam ||3||

 Kaam so-smitaam hirannya-praakaaraam-aardraam jvalantiim trptaam tarpayantiim |
Padme sthitaam padma-varnnaam taam-iho[a-u]pahvaye shriyam ||4||

 Candraam prabhaasaam yashasaa jvalantiim shriyam loke deva-jussttaam-udaaraam |
Taam padminiim-iim sharannam-aham prapadye-[a]lakssmiir-me nashyataam tvaam vrnne ||5||

 Aaditya-varnne tapaso[a-a]dhi-jaato vanaspatis-tava vrksso[ah-a]tha bilvah |
Tasya phalaani tapasaa-nudantu maaya-antaraayaashca baahyaa alakssmiih ||6||

 Upaitu maam deva-sakhah kiirtish-ca manninaa saha |
Praadurbhuuto[ah-a]smi raassttre-[a]smin kiirtim-rddhim dadaatu me ||7||

 Kssut-pipaasaa-malaam jyesstthaam-alakssmiim naashayaamy-aham |
Abhuutim-asamrddhim ca sarvaam nirnnuda me grhaat ||8||

 Gandhdvaram duradharsham nityapushtam karishinim|

Ishvarim sarvbhutanam tamihophvye shriyam ||9||

 Mans: kaammaakutim vacha: satyamshimahi |

Pashunam rupmanyasya mayee shree: shryatam yasha: ||10||

 Kardamen prajabhuta mayee sambhav kardam |

Shreeyam vasay me kule maatram padhmalinim ||11||

 Aapa: srajantu snigdhani chikilat vas me gruhe |

Ni ch devim matram shriyam vasay me kule ||12||

 Aadram pushkirinim pushtim pinglam padmalinim|

Chandram hiranyamayee lakshamim jaatvedo ma aavha ||13||

 Adram ya: karinim yashtim suvarnam hemamalinim |

Suryam hiranymayee lakshami jaatvedo ma aavha ||14||

 Tam ma aavaha jaatvedo lakshamimanpgaminim |

Yasam hiranyam prabhutam gaavo

Dasyoshvaan vindeyam purushanham||15||

 Ya: shuchi: prayato bhutva juhuyadajyamanvham|

Suktam panchdarshrch ch shreekaam: satatam japet ||16||

 Padhmanane padhma uru padhmakshi padhmsambhave |

Tanme bhajasi padhmakshi yen saukhyam labhamyham ||17||

 Ashvdayai  godayai dhandayai mahadhane |

Dhanam me labhtam devi sarvkamanshch dehi me ||18||

 Padhmamane padhmvipdhmpatre padhmapriye padhmdalaytakshi|

Vishvapriye vishnumanonukule

Tvatpaadpadhmam mayee sanidhtsva ||19||

 Putrapautram dhanamdhanyam hastyashvadigvertham |

Prajanam bhavasi mata ayushmanatam karotu me ||20||

 Dhanamagnirdhanam vayurdhanam suryo dhanam vasu:|

Dhanmindro brahaspatirvarunam dhanmastu me ||21||

 Vaintey somam pib somam pibatu vruttraha|

Somam dhanasy somino mahyam dadaatu sominah:||22||

 Na krodho na ch matsaryam na lobho na shubhamati:|

Bhavanti krutpunyanam bhaktanam shree suktam japet ||23||

 Sarsijnilaye saroj haste dhavaltaranshukgandhmaalyshobhe|

Bhagvati harivallabhe manogye

Tribhuvanbhutikari praseed mahyam ||24||

 Vishnupatnim kshamam devim madhavim madhavpriyam |

Lakshami priysakhim devim namayachutvallabham ||25||

 Mahalakshmi ch vidmahe vishnupatni ch dheemahi |

Tanno lakshami prachodayaat||26||

 Shrirvarchasvmaayushy marogya mavidhachobhmanam mahiyate|

Dhanyam dhanam pashum bahuputralabham shatsamvatsaram deerdhmaayu:||27||

 || Iti shree suktam samaptam ||

Shree Suktam Stotra Image/Wallpaper:-

Shree Suktam Stotra Shree Suktam Stotra

*You can use Google Translator to get Shree Suktam Stotra Tamil/Telgu/Gujrati/Marathi version.

**Click below to Free Download Shree Suktam Stotra PDF format or Print it.

share medium Shree Suktam Stotra

Shiv Stotra English

Shiv Mahimna Stotra in English

‖ Atha sri sivamahimnastotram ‖

Mahimnah param te parama vidusho yadyasadrishi
Stutir brahma dina mapitadava sannastvayi girah,
Stha vacyah sarvah svamati parina mavadhi grinan
Mamapyeshah stotre hara nirapavadah parikarah||1|||

 Atitah panthanam tava ca mahima vanmanasayor
Atad vyavrttya yam cakita mabhi dhatte shrutirapi,
Sa kasya stotavyah katividha gunah kasya vishayah
Pade tvarvacine patati na manah kasya na vacah||2||

 Madhu sphita vacah paramam amritam nirmitavatas
Tava brahman kim vag api suraguror vismaya padam,
Mama tvetam vanim guna kathana punyena bhavatah
Punam ityarthe’smin puramathana buddhir vyavasita||3||

 Tavaisvaryam yat taj jagadudaya raksa  pralayakrit
Trayivastu vyastam tisrishu guna-bhinnasu tanushu,
Abhavyanam asmin varada ramaniyama ramanim
Vihantum vyakrosim vidadhata ihaike jadadhiyah||4||

 Kimihah kimkayah sa khalu kimupaya stribhuvanam
Kimadharo dhata srijati kimupadana iti ca,
Atarkyaish varye tvay yanavasara duhstho hatadhiyah
Kutarko’yam kamshcin mukharayati mohaya jagatah||5||

 Ajanmano lokah kimavayava vanto’pi jagatam
Adhisthataram kim bhavavidhir-anadritya bhavati,
Anisho va kuryad bhuvana janane kah parikaro
Yato mandastvam praty-amaravara samsherata ime||6||

 Trayi sankhyam yogah pasupati matam vaishnavamiti
Prabhinne prasthane paramidamadah pathyamiti ca,
Rucinam vaicitryad riju kutila nana pathajusham
Nrinameko gamyas tvamsasi payasa marnava iva||7||

 Mahokshah khatvangam parashu-rajinam bhasma haninah
Kapalam cetiyat tava varada tantro pakaranam,
Surastam tamriddhim dadhati tu bhavad bhru pranihitam
Na hi svatma ramam vishaya mriga trishna bhramayati||8||

 Dhruvam kascit sarvam sakala mapara stva dhruva midam
Paro dhrau vyadhrauvye jagati gadati vyasta vishaye,
Samaste’pye tasmin puramathana tair vismita iva
Stuvan jihremi tvam na khalu nanu dhrishta mukharata||9||

 Tavaisvaryam yatnad yadupari virincir-hari-radhah
Paricchettum yatav anala manala skandha vapushah,
Tato bhakti sraddha bhara-guru-grinad-bhyam girisha yat
Svayam tasthe tabhyam tava kim anuvrittir na phalati||10||

 Ayatnadapadya tribhuvanama-vairavya-tikaram
Dashasyo yadbahun abhrita ranakandu paravashan,
Sthirah padmasreni racita caranam bhoruhabaleh
Sthiraya stvad bhaktes tripurahara visphur jitamidam||11||

 Amushya tvatseva samadhigata-saram bhujavanam
Balat-kailase’pi tvadadhivasatau vikramayatah,
Alabhya patale pyalasa-calitan-gustha-shirasi
Pratishtha tvayyasid dhruvamupacito muhyati khalah||12||

 Yadriddhim sutramno varada paramo-ccairapi satim
Adhashcakre banah parijana vidheya tribhuvanah,
Na taccitram tasmin varivasitari tvac caranayor
Na kasya unnatyai bhavati srirasastvay yavanatih||13||

 Akanda brahmanda kshaya cakita devasura kripa
Vidheya syasidyas trinayana visham samhrita vatah,
Sa kalmashah kanthe tava na kurute na shriya maho
Vikaro’pi shlaghyo bhuvana-bhaya-bhangavyasaninah||14||

 Asiddhartha naiva kvacidapi sadeva suranare
Nivartante nityam, jagati jayino yasya vishikhah,
Sa pashyannisa tvam itara surasadharana mabhut
Smarah smarta-vyatma na hi vasishu pathyah paribhavah||15||

 Mahi padaghatad vrajati sahasa samshaya-padam
Padam visnor-bhramyad bhujaparigha-rugna-graha-ganam,
Muhur-dyaur-dausthyam yat-­yanibhrita-jata-taditatata
Jagad-rakshayai tvam natasi nanu vamaiva vibhuta||16||

 Viyad-vyapi tara gana-gunita phenod-gama-rucih
Pravaho varam yah prishata-laghu-dristah shirasi te,
Jagad-dvipakaram jaladhivalayam tena kritami-
Tyane-naivon-neyam dhrita-mahima divyam tava vapuh||17||

 Rathah kshoni yanta shata-dhriti-ragendro dhanuratho
Rathange candrarkau rathacarana-panih shara iti,
Didhakshoste ko’yam tripura-trina-madambara-vidhir
Vidheyaih kridantyo na khalu paratantrah prabhu-dhiyah||18||

 Hariste sahasram kamala-balima-dhaya padayor
Yadekone tasmin nija-mudaharan-netra-kamalam,
Gato bhaktyu-drekah parinatim-asau cakra-vapusha
Trayanam rakshayai tripura-hara jagarti jagatam||19||

 Kratau supte jagrat tvamasi phalayoge kratumatam
Kva karma pradhvastam phalati purusha-radhana-mrite,
Atas-tvam sam-preksya kratusu phala-dana-pratibhuvam
shrutau shraddham baddhva dridha-parikarah karmasu janah||20||

 Kriyadakso dakshah kratupati-radhisha-stanubhritam
Rishinamartvijyam sharanada sadasyah suraganah,
Kratu-bhramshas-tvattah kratuphala-vidhana-vyasanino
Dhruvam kartuh sraddha vidhura-mabhicaraya hi makhah||21||

 Praja-natham natha prasabha-mabhikam svam duhitaram
Gatam rohid-bhutam rira-mayishumrishyasya vapusha,
Dhanus paner yatam divamapi sapatra kritamamum
Trasantam te’dyapi tyajati na mriga-vyadharabhasah||22||

 Svalavanya-shamsa dhrita-dhanusha-mahnnaya trinavat
Purah plustam drishtva pura-mathana pushpa-yudhamapi,
Yadi strainam devi yama-nirata dehardha-ghatana
Davaiti tvam-addha bata varada mugdha yuvatayah||23||

 Shmashanesva-krida smarahara pishacah sahacarash
Cita-bhasma-lepah sragapi nrikaroti-parikarah.
Amangalyam shilam tava bhavatu namaiva-makhilam
Tathapi smartrinam varada paramam mangalamasi||24||

 Manah pratyak-citte savidha-mavadhayatta-marutah
Prahrishyadromanah pramada-salilot-sangitadrisah
Yada-lokyah-ladam hrada iva nimajya-mritamaye
Dadhat-yantas-tattvam kimapi yaminas-tat kila bhavan||25||

 Tvamarkas-tvam somas tvamasi pavanas tvam hutavahas
Tvamapas-tvam vyoma tvamu dharanir-atma tvamiti ca,
Paricchinnam-evam tvayi parinata bibhratu giram
Na vidmas-tat-tattvam vayamiha tu yat-tvam na bhavasi||26||

 Trayim tisro vrittis tribhuvana-matho trinapi sura
Nakaradyair-varnais tribhir-abhi-dadhat-tirnavikriti,
Turiyam te dhama dhvanibhi-rava-rundhana-manubhih
Samastam vyastam tvam sharanada grinat-yomiti padam.||27||

 Bhavah sarvo rudrah pasupati-rathograh sahamahan
Statha bhime-shanav iti yadabhi-dhana-shtakam-idam,
Amushmin-pratyekam pravicarati deva shrutirapi
Priyayasmai dhamne pravihita-namasyo’smi bhavate||28||

 Namo nedisthaya priyadava davishthaya ca namo
Namah kshodisthaya smarahara mahishthaya ca namah
Namo varshishthaya trinayana yavishthaya ca namo
Namah sarvasmai te tadida-mitisarvaya ca namah||29||

 Bahala-rajase vishvot-pattau bhavaya namo namah
Prabala-tamase tat-samhare haraya namo namah,
Jana-sukhakrite sattvo-driktau mridaya namo namah
Pramahasi pade nistraigunye shivaya namo namah||30||

 Krisha-parinati cetah klesha-vashyam kva cedam

Kva ca tava gunasimol langhini shashva-driddhih,
Iti cakita-mamandi kritya mam bhakti-radhad
Varada caranayo-ste vakya-pushpo-paharam||31||

 Asita-giri-samam syat kajjalam sindhu-patre
Sura-taruvara-shakha lekhani patra-murvi,
Likhati yadi grhitva sharada sarva-kalam
Tadapi tava gunanam isha param na yati||32||

 Asura-sura-munindrair arcita-syendu-mauler
Grathita-guna-mahimno nirguna-syesvarasya,
Sakala-gana-varisthah pushpadanta-bhidhano
Rucira-malaghu-vrittaih stotra-metac-cakara||33||

 Ahara-harana-vadyam dhurjateh stotra-metat
Pathati paramabhaktya shuddhacittah pumanyah

Sa bhavati shivaloke rudra-tulya-stathatra
Pracuratara-dhanayuh putravan-kirtimanshca||34||

 Maheshannaparo devo mahimno napara stutih,
Aghorannaparo mantro nasti tattvam guroh param||35||

 Diksha danam tapas tirtham jnanamyaga-dikah kriyah,
Mahimnah stava pathasya kallam narhanti shodashim||36||

 Kusuma-dashana-nama sarva-gandharva-rajah
Shishu-shashadhara-mauler deva-devasya dasah
Sa khalu nija-mahimno bhrashta evasya roshat
Stavanamidamakarsid divya-divyam mahimnah||37||

 Suravaramuni-pujyam sarvagamokshaikahetum
Pathati yadi manushyah pranjalir-nanyacetah,
Vrajati shiva-samipam kinnaraih stuyamanah
Stavanamidamamogham puspadanta-pranitam||38||

 Asamapta-midam stotram punyam gandharva bhashitam,
Anaupamyam manohari shiva-mishvara-varnanam||39||

 Ityesa vanmayi puja shrimac shankara padayoh,
Arpita tena devesah priyatam me sadashivah||40||

 Tava tattwamna janami kidrishosi maheshwara
Yadrashosi mahadeva tadrashaya namo namah||41||

 Eka kalam dwikalam wa trikalam yah pathennarah
Sarva papa vinirmuktah shivaloke mahiyate||42||

 Sri pushpadanta mukha pankaja nirgatena
Stotrena kilbisha harena hara-priyena,
Kanthas thitena pathitena samahitena
Suprinito bhavati bhutapatir maheshah||43||

 || Ithi sri pushpadanta virachith shiva mahimna stotram samaptham||

Shiv Stotra Image/Wallpaper:-

Shiv Stotra Shiv Stotra English

*You can use Google Translator to get Shiv  Stotra Tamil/Telgu/Gujrati/Marathi version.

**Click below to Free Download Shiv  Stotra PDF format or Print it.

 

share medium Shiv Stotra English

Shiv Mahimna Stotra

Shiv Mahimna Stotra in Hindi

अथ श्री शिवमहिम्नस्तॊत्रम्

महिम्नः पारं ते परमविदुषो यद्यसदृशी
स्तुतिर्ब्रह्मादीनामपि तदवसन्नास्त्वयि गिरः।
अथाऽवाच्यः सर्वः स्वमतिपरिमाणावधि गृणन्‌
ममाप्येष स्तोत्रे हर निरपवादः परिकरः॥ १॥

 अतीतः पंथानं तव च महिमा वाङ्मनसयोः
अतद्व्यावृत्त्या यं चकितमभिधत्ते श्रुतिरपि।
स कस्य स्तोतव्यः कतिविधगुणः कस्य विषयः
पदे त्वर्वाचीने पतति न मनः कस्य न वचः॥ २॥

 मधुस्फीता वाचः परममृतं निर्मितवतः
तव ब्रह्मन्‌ किं वागपि सुरगुरोर्विस्मयपदम्‌।
मम त्वेतां वाणीं गुणकथनपुण्येन भवतः
पुनामीत्यर्थेऽस्मिन्‌ पुरमथन बुद्धिर्व्यवसिता॥ ३॥

 तवैश्‍वर्यं यत्तज्जगदुदयरक्षाप्रलयकृत्‌
त्रयीवस्तु व्यस्तं तिस्रुषु गुणभिन्नासु तनुषु।
अभव्यानामस्मिन्‌ वरद रमणीयामरमणीं
विहन्तुं व्याक्रोशीं विदधत इहैके जडधियः॥ ४॥

 किमीहः किंकायः स खलु किमुपायस्त्रिभुवनं
किमाधारो धाता सृजति किमुपादान इति च।
अतर्क्यैश्वर्ये त्वय्यनवसर दुःस्थो हतधियः
कुतर्कोऽयं कांश्चित्‌ मुखरयति मोहाय जगतः॥ ५॥

 अजन्मानो लोकाः किमवयववन्तोऽपि जगतां
अधिष्ठातारं किं भवविधिरनादृत्य भवति।
अनीशो वा कुर्याद्‌ भुवनजनने कः परिकरो
यतो मन्दास्त्वां प्रत्यमरवर संशेरत इमे॥ ६॥

 त्रयी साङ्ख्यं योगः पशुपतिमतं वैष्णवमिति
प्रभिन्ने प्रस्थाने परमिदमदः पथ्यमिति च।
रुचीनां वैचित्र्यादृजुकुटिल नानापथजुषां
नृणामेको गम्यस्त्वमसि पयसामर्णव इव॥ ७॥

 महोक्षः खट्वाङ्गं परशुरजिनं भस्म फणिनः
कपालं चेतीयत्तव वरद तन्त्रोपकरणम्‌।
सुरास्तां तामृद्धिं दधति तु भवद्भूप्रणिहितां
न हि स्वात्मारामं विषयमृगतृष्णा भ्रमयति॥ ८॥

 ध्रुवं कश्चित्‌ सर्वं सकलमपरस्त्वध्रुवमिदं
परो ध्रौव्याऽध्रौव्ये जगति गदति व्यस्तविषये।
समस्तेऽप्येतस्मिन्‌ पुरमथन तैर्विस्मित इव
स्तुवन्‌ जिह्रेमि त्वां न खलु ननु धृष्टा मुखरता॥ ९॥

 तवैश्वर्यं यत्नाद्‌ यदुपरि विरिञ्चिर्हरिरधः
परिच्छेतुं यातावनिलमनलस्कन्धवपुषः।
ततो भक्तिश्रद्धा-भरगुरु-गृणद्भ्यां गिरिश यत्‌
स्वयं तस्थे ताभ्यां तव किमनुवृत्तिर्न फलति॥ १०॥

 अयत्नादासाद्य त्रिभुवनमवैरव्यतिकरं
दशास्यो यद्बाहूनभृत-रणकण्डू-परवशान्‌।
शिरःपद्मश्रेणी-रचितचरणाम्भोरुह-बलेः
स्थिरायास्त्वद्भक्तेस्त्रिपुरहर विस्फूर्जितमिदम्‌॥ ११॥

 अमुष्य त्वत्सेवा-समधिगतसारं भुजवनं
बलात्‌ कैलासेऽपि त्वदधिवसतौ विक्रमयतः।
अलभ्यापातालेऽप्यलसचलितांगुष्ठशिरसि
प्रतिष्ठा त्वय्यासीद्‌ ध्रुवमुपचितो मुह्यति खलः॥ १२॥

 यदृद्धिं सुत्राम्णो वरद परमोच्चैरपि सतीं
अधश्चक्रे बाणः परिजनविधेयत्रिभुवनः।
न तच्चित्रं तस्मिन्‌ वरिवसितरि त्वच्चरणयोः
न कस्याप्युन्नत्यै भवति शिरसस्त्वय्यवनतिः॥ १३॥

 अकाण्ड-ब्रह्माण्ड-क्षयचकित-देवासुरकृपा
विधेयस्याऽऽसीद्‌ यस्त्रिनयन विषं संहृतवतः।
स कल्माषः कण्ठे तव न कुरुते न श्रियमहो
विकारोऽपि श्लाघ्यो भुवन-भय- भङ्ग- व्यसनिनः॥ १४॥

 असिद्धार्था नैव क्वचिदपि सदेवासुरनरे
निवर्तन्ते नित्यं जगति जयिनो यस्य विशिखाः।
स पश्यन्नीश त्वामितरसुरसाधारणमभूत्‌
स्मरः स्मर्तव्यात्मा न हि वशिषु पथ्यः परिभवः॥ १५॥

 मही पादाघाताद्‌ व्रजति सहसा संशयपदं
पदं विष्णोर्भ्राम्यद्‌ भुज-परिघ-रुग्ण-ग्रह- गणम्‌।
मुहुर्द्यौर्दौस्थ्यं यात्यनिभृत-जटा-ताडित-तटा
जगद्रक्षायै त्वं नटसि ननु वामैव विभुता॥ १६॥

 विय-द्व्या पी तारा-गण-गुणित-फेनोद्गम-रुचिः
प्रवाहो वारां यः पृषतलघुदृष्टः शिरसि ते।
जगद्द्वीपाकारं जलधिवलयं तेन कृतमिति
अनेनैवोन्नेयं धृतमहिम दिव्यं तव वपुः॥ १७॥

 रथः क्षोणी यन्ता शतधृतिरगेन्द्रो धनुरथो
रथाङ्गे चन्द्रार्कौ रथ-चरण-पाणिः शर इति।
दिधक्षोस्ते कोऽयं त्रिपुरतृणमाडम्बर विधिः
विधेयैः क्रीडन्त्यो न खलु परतन्त्राः प्रभुधियः॥ १८॥

 हरिस्ते साहस्रं कमल बलिमाधाय पदयोः
यदेकोने तस्मिन्‌ निजमुदहरन्नेत्रकमलम्‌।
गतो भक्त्युद्रेकः परिणतिमसौ चक्रवपुषः
त्रयाणां रक्षायै त्रिपुरहर जागर्ति जगताम्‌॥ १९॥

 क्रतौ सुप्ते जाग्रत्‌ त्वमसि फलयोगे क्रतुमतां
क्व कर्म प्रध्वस्तं फलति पुरुषाराधनमृते।
अतस्त्वां सम्प्रेक्ष्य क्रतुषु फलदान-प्रतिभुवं
श्रुतौ श्रद्धां बध्वा दृढपरिकरः कर्मसु जनः॥ २०॥

 क्रियादक्षो दक्षः क्रतुपतिरधीशस्तनुभृतां
ऋषीणामार्त्विज्यं शरणद सदस्याः सुर-गणाः।
क्रतुभ्रंशस्त्वत्तः क्रतुफल-विधान-व्यसनिनः
ध्रुवं कर्तुं श्रद्धा विधुरमभिचाराय हि मखाः॥ २१॥

 प्रजानाथं नाथ प्रसभमभिकं स्वां दुहितरं
गतं रोहिद्‌ भूतां रिरमयिषुमृष्यस्य वपुषा।
धनुष्पाणेर्यातं दिवमपि सपत्राकृतममुं
त्रसन्तं तेऽद्यापि त्यजति न मृगव्याधरभसः॥ २२॥

स्वलावण्याशंसा धृतधनुषमह्नाय तृणवत्‌
पुरः प्लुष्टं दृष्ट्वा पुरमथन पुष्पायुधमपि।
यदि स्त्रैणं देवी यमनिरत-देहार्ध-घटनात्‌
अवैति त्वामद्धा बत वरद मुग्धा युवतयः॥ २३॥

 श्मशानेष्वाक्रीडा स्मरहर पिशाचाः सहचराः
चिता-भस्मालेपः स्रगपि नृकरोटी-परिकरः।
अमङ्गल्यं शीलं तव भवतु नामैवमखिलं
तथापि स्मर्तॄणां वरद परमं मङ्गलमसि॥ २४॥

 मनः प्रत्यक्‌ चित्ते सविधमविधायात्त-मरुतः
प्रहृष्यद्रोमाणः प्रमद-सलिलोत्सङ्गति-दृशः।
यदालोक्याह्लादं ह्रद इव निमज्यामृतमये
दधत्यन्तस्तत्त्वं किमपि यमिनस्तत्‌ किल भवान्‌॥ २५॥

 त्वमर्कस्त्वं सोमस्त्वमसि पवनस्त्वं हुतवहः
त्वमापस्त्वं व्योम त्वमु धरणिरात्मा त्वमिति च।
परिच्छिन्नामेवं त्वयि परिणता बिभ्रति गिरं
न विद्मस्तत्तत्त्वं वयमिह तु यत्‌ त्वं न भवसि॥ २६॥

 त्रयीं तिस्रो वृत्तीस्त्रिभुवनमथो त्रीनपि सुरान्‌
अकाराद्यैर्वर्णैस्त्रिभिरभिदधत्‌ तीर्णविकृति।
तुरीयं ते धाम ध्वनिभिरवरुन्धानमणुभिः
समस्त-व्यस्तं त्वां शरणद गृणात्योमिति पदम्‌॥ २७॥

 भवः शर्वो रुद्रः पशुपतिरथोग्रः सहमहान्‌
तथा भीमेशानाविति यदभिधानाष्टकमिदम्‌।
अमुष्मिन्‌ प्रत्येकं प्रविचरति देव श्रुतिरपि
प्रियायास्मैधाम्ने प्रणिहित-नमस्योऽस्मि भवते॥ २८॥

 नमो नेदिष्ठाय प्रियदव दविष्ठाय च नमः
नमः क्षोदिष्ठाय स्मरहर महिष्ठाय च नमः।
नमो वर्षिष्ठाय त्रिनयन यविष्ठाय च नमः
नमः सर्वस्मै ते तदिदमतिसर्वाय च नमः॥ २९॥

 बहुल-रजसे विश्वोत्पत्तौ भवाय नमो नमः
प्रबल-तमसे तत्‌ संहारे हराय नमो नमः।
जन-सुखकृते सत्त्वोद्रिक्तौ मृडाय नमो नमः
प्रमहसि पदे निस्त्रैगुण्ये शिवाय नमो नमः॥ ३०॥

 कृश-परिणति-चेतः क्लेशवश्यं क्व चेदं
क्व च तव गुण-सीमोल्लङ्घिनी शश्वदृद्धिः।
इति चकितममन्दीकृत्य मां भक्तिराधाद्‌
वरद चरणयोस्ते वाक्य-पुष्पोपहारम्‌॥ ३१॥

 असित-गिरि-समं स्यात्‌ कज्जलं सिन्धु-पात्रे
सुर-तरुवर-शाखा लेखनी पत्रमुर्वी।
लिखति यदि गृहीत्वा शारदा सर्वकालं
तदपि तव गुणानामीश पारं न याति॥ ३२॥

 असुर-सुर-मुनीन्द्रैरर्चितस्येन्दु-मौलेः
ग्रथित-गुणमहिम्नो निर्गुणस्येश्वरस्य।
सकल-गण-वरिष्ठः पुष्पदन्ताभिधानः
रुचिरमलघुवृत्तैः स्तोत्रमेतच्चकार॥ ३३॥

 अहरहरनवद्यं धूर्जटेः स्तोत्रमेतत्‌
पठति परमभक्त्या शुद्ध-चित्तः पुमान्‌ यः।
स भवति शिवलोके रुद्रतुल्यस्तथाऽत्र
प्रचुरतर-धनायुः पुत्रवान्‌ कीर्तिमांश्च॥ ३४॥

 महेशान्नापरो देवो महिम्नो नापरा स्तुतिः।
अघोरान्नापरो मन्त्रो नास्ति तत्त्वं गुरोः परम्‌॥ ३५॥

 दीक्षा दानं तपस्तीर्थं ज्ञानं यागादिकाः क्रियाः।
महिम्नस्तव पाठस्य कलां नार्हन्ति षोडशीम्‌॥ ३६॥

 कुसुमदशन-नामा सर्व-गन्धर्व-राजः
शशिधरवर-मौलेर्देवदेवस्य दासः।
स खलु निज-महिम्नो भ्रष्ट एवास्य रोषात्‌
स्तवनमिदमकार्षीद्‌ दिव्य-दिव्यं महिम्नः॥ ३७॥

 सुरगुरुमभिपूज्य स्वर्ग-मोक्षैक-हेतुं
पठति यदि मनुष्यः प्राञ्जलिर्नान्य-चेताः।
व्रजति शिव-समीपं किन्नरैः स्तूयमानः
स्तवनमिदममोघं पुष्पदन्तप्रणीतम्‌॥ ३८॥

 आसमाप्तमिदं स्तोत्रं पुण्यं गन्धर्व-भाषितम्‌।
अनौपम्यं मनोहारि सर्वमीश्वरवर्णनम्‌॥ ३९॥

 इत्येषा वाङ्मयी पूजा श्रीमच्छङ्कर-पादयोः।
अर्पिता तेन देवेशः प्रीयतां मे सदाशिवः॥ ४०॥

 तव तत्त्वं न जानामि कीदृशोऽसि महेश्वर।
यादृशोऽसि महादेव तादृशाय नमो नमः॥ ४१॥

 एककालं द्विकालं वा त्रिकालं यः पठेन्नरः।
सर्वपाप-विनिर्मुक्तः शिव लोके महीयते॥ ४२॥

 श्री पुष्पदन्त-मुख-पङ्कज-निर्गतेन
स्तोत्रेण किल्बिष-हरेण हर-प्रियेण।
कण्ठस्थितेन पठितेन समाहितेन
सुप्रीणितो भवति भूतपतिर्महेशः॥ ४३॥

 ॥ इति श्री पुष्पदन्त विरचितं शिवमहिम्नः स्तोत्रं समाप्तम्‌॥

Shiv Mahimna Stotra Images/Wallpaper:-

Shiv Mahimna Stotra Shiv Mahimna Stotra

*You can use Google Translator to get Shiv Mahimna Stotra Tamil/Telgu/Gujrati/Marathi version.

**Click below to Free Download Shiv Mahimna Stotra PDF format or Print it.

share medium Shiv Mahimna Stotra